मित्रांनो!, जसे की आपण सर्वजण जाणतोच की, उत्तराखंडचा पवनदीप राजन इंडियन आयडॉलच्या 12 व्या हंगामातील विजेतेपद मिळवण्यात यशस्वी झालाय. पवनदीप इंडियन आयडॉल 12 चा विजेता बनताच सोशल मीडियावर वेगळ्याच प्रकारची चर्चा सुरू झालीय. पवनदीपचा विजय साजरा करणाऱ्या लोकांमध्ये, अरुणिता कांजीलाल हिला त्याच्यापेक्षा अधिक पात्र असल्याचे सांगणारेही आहेत. विशेष म्हणजे पवनदीप सोबतच अरुणिता देखील सोशल मीडियावर ट्रेंड करू लागलीआहे.
काही रसिकांनी सांगितले की पवनदीप नाही तर अरुणिताला या सिझनचे इंडियन आयडॉलचे विजेतेपद मिळाले पाहिजे. आणि तसेही, जर आपण इंडियन आयडॉलचा इतिहास पाहिला तर ते येथे विजेते नव्हे तर, शोमधील अपयशी लोकांनीच यशाचा झेंडा उंचावला आहे. आज फिल्म इंडस्ट्रीमध्ये असे अनेक यशस्वी गायक आहेत, जे इंडियन आयडॉलमधूनच पुढे आलेले आहेत. आश्चर्यकारक गोष्ट म्हणजे त्यापैकी कोणीही विजेतेपद पटकावले नाही. कोणी प्रथम उपविजेता होता, तर कोणी फक्त शेवटच्या 10 किंवा 5 स्पर्धकांमध्ये स्थान मिळवू शकले होते. पाहूया काही यशस्वी उदाहरणे.
नेहा कक्कर : (सीझन 2, टॉप 10 स्पर्धक, विजेता संदीप आचार्य) आज नेहा कक्कर इंडस्ट्रीतील सर्वात महागड्या आणि आघाडीच्या गायकांपैकी एक आहे. नेहा एका गाण्यासाठी 10 ते 12 लाख रुपये घेते. नेहा कक्कर इंडियन आयडॉल सीझन 2 मध्ये स्पर्धक म्हणून सहभागी झाली होती. तथापि, टॉप 10 मध्ये स्थान मिळवताच ती शोमधून बाहेर पडली. पण तिच्या आवाजाच्या बळावर नेहाने यश मिळवले. ज्याचे आज साक्षात उदाहरण आहे. एकेकाळी इंडियन आयडॉलमध्ये स्पर्धक म्हणून आलेली नेहा आता या शोची जजही आहे.
अंतरा मित्रा : (सीझन 2, टॉप 5 स्पर्धक, विजेता संदीप आचार्य) इंडियन आयडॉलच्या सीझन 2 ने बॉलिवूडला आणखी एक उत्तम गायिका दिली आहे आणि ती म्हणजे अंतरा मित्रा. अंतरा सीझन 2 मधील पहिल्या 5 स्पर्धकांमध्ये होती. अंतरा मित्रा हिने हिंदी चित्रपटातील अनेक हिट गाण्यांना आपला आवाज दिला आहे. अंतराने ‘राजनीती’ चित्रपटातील ‘भीगी सी भीगी सी’ आणि ‘आर राजकुमार’ चित्रपटातील ‘सारी के फॉल सा ..’ हे गाणे गायले आहे. तिने अरिजीत सिंगसोबत ‘गेरुआ’ आणि ‘जनम-जनम’ सारखी हिट गाणी गायली आहेत.
मोनाली ठाकूर: (सीझन 2, टॉप 9 स्पर्धक, विजेता संदीप आचार्य) प्रतिभावान आणि सुंदर गायिका मोनाली ठाकूर हि सुद्धा इंडियन आयडॉलचेच फाईंड आहे. मोनाली ठाकूरने गायलेले ‘मोह-मोह के धागे’ हे गाणे अजूनही रोमांचित करते. या गाण्यासाठी मोनालीला राष्ट्रीय पुरस्कारही मिळाला आहे. मोनाली 2005 मध्ये आलेल्या ‘इंडियन आयडल’ सीझन 2 च्या टॉप 10 स्पर्धकांपैकी एक होती. मात्र, तिला टॉप 8 मध्ये स्थान मिळवता आले नाही. मोनाली आता एका गाण्यासाठी 4 ते 5 लाख रुपये घेते.
भूमी त्रिवेदी: (सीझन 5, पहिला उपविजेता, विजेता – श्रीराम चंद्र) इंडियन आयडॉलचा रंगमंच सोडून भूमी त्रिवेदी गायन विश्वातील एक प्रसिद्ध स्टारही बनली आहे. इंडियन आयडॉल सीझन 5 ची फर्स्ट रनर अप भूमी त्रिवेदीने अनेक लोकप्रिय गाण्यांमध्ये पार्श्वगायन केले आहे. भूमीने ‘गोलियों की रसलीला राम-लीला’ या चित्रपटात गायलेल्या टायटल ट्रॅकला चांगला प्रतिसाद मिळाला. हा शो श्रीरामचंद्रांनी जिंकला.
मियांग चेंग (सीझन 3, चौथा उपविजेता, विजेता – प्रशांत तमांग) इंडियन आयडॉल सीझन 3 चा चौथा फायनलिस्ट असलेल्या मियांग चेंगला आता कोणत्याही वेगळ्या ओळखीची आवश्यकता नाही. गायनापेक्षाही मियांग अँकरिंग आणि शो होस्टिंग साठी अधिक लोकप्रिय आहे. मिआंग अनेक टीव्ही कार्यक्रम आणि कार्यक्रमांमध्ये होस्ट म्हणून काम करतो. तो शाहिद कपूरच्या ‘बदमाश कंपनी’ चित्रपटातही झळकला आहे. तो 3 रा सिझन प्रशांत तमांगने जिंकला, जो आता नेपाळी चित्रपटांमध्ये काम करतो.
स्वरूप खान: (सीझन 5, स्पर्धक – टॉप 4, विजेता – श्रीराम चंद्र) आमिर खानच्या ‘पीके’ चित्रपटातील ‘ठर्की छोक्रो’ आणि ‘पद्मावत’ चित्रपटातील ‘घूमर’ हे गाणे आजही खूप लोकप्रिय आहे. हे हिट ट्रॅक राजस्थानी लोक गायक स्वरूप खान यांनी गायले आहेत. स्वरूप खान शोच्या पाचव्या हंगामात सहभागी झाला होता. तो अव्वल 4 स्पर्धकांमध्ये राहिला, पण विजेतेपद श्रीरामचंद्रने पटकावले. मात्र, स्वरूप खानला बॉलिवूडमध्ये नक्कीच यश मिळाले आहे.
राहुल वैद्य: (सीझन 1, पहिला उपविजेता, विजेता – अभिजित सावंत) इंडियन आयडॉलच्या पहिल्या सत्राच्या विजेत्याची ट्रॉफी मिळवणाऱ्या राहुल वैद्यलाही एक वेगळी ओळख मिळाली आहे. राहुल हा शोचा विजेता अभिजीत सावंत पेक्षा जास्त यशस्वी आहे.
शाहरुख बरोबरच बोलतो… “हारकर जितनेवालेकोही बाजीगर कहते है… असो…
