हिरकणी सोनाली कुलकर्णी हिचे लाखो चाहते आहेत. तिचं स्मित हास्य, तिची अदा आणि तिचं अभिनय व नृत्य कौशल्य या सगळ्यांमुळे ती प्रेक्षकांच्या मनावर अधिराज्य गाजवतेय. सोनालीचा स्टाईल सेन्स देखील तितकाच कमालीचा आहे. नुकत्याच संपन्न झालेल्या ‘महाराष्ट्राचा फेवरेट कोण?’ २०१९ या पुरस्कार सोहळ्यात सोनालीने हजेरी लावली.
तिला हिरकणी या चित्रपटासाठी नामांकन होतं. हिरकणीमधील सोनालीच्या भूमिकेचं अनेकांनी कौतुक केलं. या पुरस्कार सोहळ्यात येण्यासाठी सोनालीने एक सुंदर पैठणी साडीने बनवलेला ड्रेस परिधान केला. तिचा लुक एकदम हटके वाटत होता. या ड्रेसमध्ये सोनालीचं सौंदर्य अजूनच खुलून दिसत होतं. सोनालीचा हा लुक पाहून रेड कारपेटवर देखील सगळ्यांच्या नजरा तिच्यावरच खिळल्या होत्या.
तिच्या या अनोख्या लुकबद्दल बोलताना सोनाली म्हणाली, “मला हिरकणी या चित्रपटासाठी नामांकन असल्यामुळे मला ‘महाराष्ट्राचा फेवरेट कोण?’ पुरस्कार सोहळ्यात पारंपरिक आऊटफिट घालायचा होता पण ‘महाराष्ट्राचा फेवरेट कोण?’ हा पुरस्कार सोहळा ग्लॅमरसाठी ओळखला जातो त्यामुळे ग्लॅमर आणि पारंपरिक यांची सांगड घालून मी माझ्या डिझायनरकडून हा पैठणीचा ड्रेस बनवून घेतला.”
