वन९७ कम्युनिकेशन्स लिमिटेडच्या मालकीच्या पेटीएम पेमेंट गेटवेने व्यापा-यांसाठी ‘बल्क पेमेंट्स’ सुविधा सुरू करण्याची घोषणा केली आहे. ही सेवा मोठ्या आणि लहान व्यवसायांना एकाच वेळी विविध बँकांच्या कितीही खात्यांमध्ये एकाचवेळी त्वरित पैसे पाठविण्यास सक्षम बनवते. यासह, कंपनी बी२बी आणि बी२सी अशा दोन्ही प्रकारच्या कंपन्यांना त्यांचे विक्रेते, कर्मचारी, ग्राहक आणि भागीदारांना नियमितपणे मोठ्या प्रमाणात पेमेंट करणे सुलभ आणि डिजिटल करण्याचे लक्ष्य समोर ठेवत आहे.
हे सुरक्षित एपीआय समाधान विविध प्रकारचे व्यवसाय आणि त्यांच्या विशिष्ट आवश्यकता लक्षात घेऊन विकसित केले गेले आहे. याला लाभार्थी व्यवस्थापन, नाव वैधता सेवा, थोक वितरण यासारख्या मॉड्यूलसह आधीच सक्षम केले गेले आहे.
पेटीएम पेमेंट गेटवेचे उपाध्यक्ष पुनीत जैन म्हणाले की, “व्यवसायांद्वारे मोठ्या प्रमाणात नियमित पेमेंट केले जाते (बी२बी आणि बी२सी दोन्ही) जसे की पगार, प्रतिपूर्ती, प्रोत्साहन भत्ते, त्वरित परतावा, खेळातील विजेत्याला बक्षीसाची रक्कम, विक्रेता पेआऊट आणि जेवण भत्ता इ. आम्ही ‘बल्क पेमेंट्स’ सादर केले आहे जे एक क्रांतिकारक उत्पादन आहे जे व्यवसायांना हे पेमेंट स्वयंचलित आणि केंद्रीकृतपणे करण्यास सक्षम करते, ज्यायोगे त्यांचा व्यवसाय जटिल आणि खंडित पद्धतीपासून वित्त वआर्थिक व्यवस्थापनाच्या कार्यक्षम आणि डिजिटल मार्गाकडे जातो.”
पेटीएम पेमेंट गेटवे वापरण्यास सुलभ डॅशबोर्ड प्रदान करते, जो एक एपीआय उपाय आहे आणि व्यापा-यांच्या विद्यमान सिस्टममध्ये सहज समाकलित होऊ शकते. व्यावसायिक बँक खाते, यूपीआय आणि वॉलेटसह विविध ठिकाणी स्थानांतरित करणे निवडू शकतात. तसेच ते कितीही बँक खात्यांमध्ये कितीही पैसे पाठवू शकतात.
