मित्रांनो!, SET चॅनल वरील गेल्या काही दिवसांपासून अनेक वादग्रस्त प्रसंग, सेलिब्रिटी स्टेटमेंटस आणि पब्लिक व्होटिंगमुळे बाद होत असलेले उत्कृष्ट गायक इ. मुळे प्रचंड चर्चेत असलेल्या ‘इंडियन आयडल 12’ या रिऍलिटी शोमधून काल आणखी एक एलिमिनेशन झाले आणि ते सुद्धा वादग्रस्त ठरतांना दिसत आहे. या एलिमिनेशननंतर नेहमीप्रमाणे सोशल मीडियावर या शो च्या असंख्य चाहत्यांच्या अत्यंत संतप्त प्रतिक्रिया उमटल्या आहेत.
शो मध्ये आलेल्या एकूण एक पाहुण्याने गौरविलेल्या आणि सतत सर्व प्रकारची गाणी लीलया गात आपले वेगळेपण जपणारा आशिष कुलकर्णी सुद्धा बाद झाल्यानंतर इंडियन आयडल १२ या शोमध्ये केवळ शन्मुखप्रिया, दानिश, सायली, पवनदीप, अरूणिता, निहाल असे टॉप 6 स्पर्धक उरले आहेत. गेल्या काही दिवसांपासून चर्चेत असलेल्या ‘इंडियन आयडल 12’ Indian Idol 12 या रिऍलिटी शोमधून काल आणखी एक एलिमिनेशन झाले आणि यानंतर नेहमीप्रमाणे सोशल मीडियावर संतप्त प्रतिक्रिया उमटल्या.
पब्लिक वोटच्या आधारावर आशीष कुलकर्णी Ashish Kulkarni काल शो मधून बाद झाला आणि चाहते भडकले. आशीषचे एलिमिनेशन ‘अनफेअर’ असल्याचे सांगत लोकांनी आपल्या तीव्र भावना विविध माध्यमांवर प्रतिक्रिया देत व्यक्त केल्या. आशिष कुलकर्णीच्या आधी सवाई भट, नचिकेत लेले, अंजली गायकवाड यांच्या एलिमिनेशननंतरही चाहत्यांनी अगदी अशाच प्रकारे तीव्र भावना आपल्या लाखों प्रतिक्रियांद्वारे व्यक्त केलेल्या होत्या.
आशीष कुलकर्णीच्या एलिमिनेशनच्या निमित्ताने अनेक चाहत्यांनी पुन्हा एकदा शन्मुखाप्रिया हिला ट्रोल केले. अरे शो च्या निर्मात्यांनो, तुम्ही सदोदित किंचाळून गाणाऱ्या शन्मुखप्रियाला आणि दानिशला कधी बाहेर काढता ते सांगा, म्हणजे मी पुन्हा शो पाहू शकेल, असे एका चाहतीने लिहिले. आणखी एक अन्याय, आशीष कुलकर्णीसारख्या उत्तम गायकाला तुम्ही कसे काय बाहेर काढू शकता? असा सवाल एका चाहत्याने केला. इंडियन आयडल १२ हा शो पूर्णतः पक्षपाती झालेला आहे, असा आरोपही अनेकांनी केला आहे.
‘इंडियन आयडल 12’मधून बाहेर पडल्यानंतर आशीष कुलकर्णीने सोशल मीडियावर एक भावुक पोस्ट लिहित आपल्या सर्व चाहत्यांचे आभार मानले आहेत. ‘इंडियन आयडलच्या माझ्या शेवटच्या दिवशी ही पोस्ट लिहिताना माझ्याकडे शब्द अपुरे पडत आहेत. मी कुठलीही आभाराची पोस्ट लिहिणार नाही.
याऊलट माझ्या या छोट्याशा प्रवासातील प्रत्येकांचे कौतुक करू इच्छितो. या शोमधील प्रत्येक स्पर्धकाचे अभिनंदन करू इच्छितो. शन्मुखप्रिया, दानिश, सायली, पवनदीप, अरूणिता, निहाल… भविष्यात तुम्हा सर्वांसोबत काम करण्याची मी आतुरतेने प्रतीक्षा करतोय,’ असे त्याने त्याच्या पोस्टमध्ये लिहिले आहे.
इंडियन आयडलमधून आशीष कुलकर्णी बाद झाल्यानंतर आता शोमध्ये केवळ शन्मुखप्रिया, दानिश, सायली, पवनदीप, अरूणिता, निहाल असे टॉप 6 स्पर्धक उरले आहेत. म्हणजेच यापैकी एक ग्रँड फिनालेमध्ये ‘इंडियन आयडल 12’ची ट्रॉफी जिंकेल. शोचा फिनाले अगदीच काही आठवड्यांवर येऊन ठेपला आहे. येत्या 15 ऑगस्टला शोचा फिनाले होणार आहे.
