संतोष कोल्हेंच्या ‘शॉककथा’ या वेब सिरीजमध्ये पहिल्यांदाच पडद्यावर हिजडा साकारणार छाया कदम !!

आजपर्यंत आपण अनेक चित्रपटांमधून पुरुष कलाकारांना तृतीयपंथीयांच्या भूमिकेमध्ये पाहिलंय. परेश रावल, सदाशिव अमरापूरकर, आशुतोष राणा या नावाजलेल्या अभिनेत्यांनी  पडद्यावर हिजड्याच्या भूमिका अजरामर केलेल्या आहेत. पण ‘व्हायरस मराठी’ या वेब सिरीजच्या निमित्ताने आता एक स्त्री कलाकार पहिल्यांदाच हिजड्याची  भूमिका करत आहे… आणि ती अभिनेत्री आहे फँड्री, सैराट अशा चित्रपटांमधून आपल्या सहज अभिनयाने मराठी चित्रपट सृष्टीत एक कलाकार म्हणून आपला ठसा उमटविणारी Chhaya Kadam छाया कदम.

दिग्दर्शक संतोष कोल्हे यांच्या ‘व्हायरस मराठी’ या वेब चॅनेलवर येणाऱ्या ‘शॉककथा’ या सिरीजसाठी ‘हिजडा’ या एपिसोडची निर्मिती करण्यात आली असून यातच छाया कदम यांनी हिजड्याची  प्रमुख भूमिका केली आहे. या आगळ्यावेगळ्या भुमिकेबद्दल छाया कदम म्हणाल्या, ‘संतोष कोल्हेंनी जेव्हा मला ही कथा ऐकविली तेव्हाच मी ही भूमिका करायचाच असा निर्णय घेतला आणि पुढे आमचा प्रवास सुरु झाला हिजडा प्रत्यक्षात आणण्यासाठी…’’ निवडक मोजक्याच भूमिका करूनही प्रेक्षकांच्या मनात  स्थान मिळविलेल्या प्रतिभावान अभिनेत्री छाया कदम यांनी  हिजड्यासारखी आव्हानात्मक भूमिका करून अभिनय क्षेत्रात आपलं वेगळं अस्तित्व निर्माण करण्याकडे नक्कीच वाटचाल सुरु केली आहे.