Kangana Ranaut In ‘Chala Hawa Yeu Dya’ Show
‘चला हवा येऊ द्या’ च्या मंचावर कंगनाची हजेरी
झी मराठीवरील लोकप्रिय कार्यक्रम Chala Hawa Yeu Dya ‘चला हवा येऊ द्या’ च्या मंचाचं आकर्षण बॉलिवूडमध्ये वाढतच आहे. आजवर बॉलिवुडमधील दिग्गजांनी या मंचावरून आपल्या चित्रपटांची प्रसिद्धी केली.
या यादीमध्ये आता आणखी एका नावाची भर पडणार आहे ते नाव म्हणजे बॉलिवुडची ‘क्वीन’ अशी ओळख असलेली कंगना राणावत. आपल्या आगामी Rangoon ‘रंगून’ चित्रपटाच्या प्रसिद्धीसाठी कंगनाने थुकरटवाडीत हजेरी लावली होती. येत्या सोमवारी २० फेब्रुवारीला रात्री ९.३० वा. हा भाग झी मराठीवरुन प्रसारित होणार आहे.
एक सशक्त अभिनेत्री अशी ओळख कंगनाला ज्या चित्रपटाने मिळवून दिली त्या क्विन चित्रपटाची थुकरटवाडीच्या मंडळींनी सादर केलेली आवृत्ती बघून कंगनाही खळखळून हसली. याचसोबत या मंडळीसोबत कंगनाने ‘लंडन ठुमकदा’ गाण्यावर ताल धरत नृत्यही सादर केलं.
विशाल भारद्वाज यांचे दिग्दर्शन असलेला Rangoon ‘रंगून’ चित्रपट लवकरच प्रदर्शित होणार असून यात कंगना मुख्य नायिकेच्या भूमिकेत आहे तर तिच्या सोबतीने शाहिद कपूर आणि सैफ अली खान असे दोन तगडे अभिनेते या चित्रपटात आहेत. याच चित्रपटाच्या निमित्ताने कंगना पहिल्यांदाच एका मराठी कार्यक्रमात हजर झाली.
