मित्रांनो!, आजच्या घडीला सोशल मीडियावर सर्वाधिक चर्चेत असलेला मराठी चित्रपटसृष्टीमधील अतिशय लोकप्रिय युवा अभिनेता म्हणजे सुयश टिळक. नुकताच सुयशने अभिनेत्री आणि उत्कृष्ट नृत्यांगना असलेल्या आयुषी भावेशी साखरपुडा केला. सोशल मीडियावर फोटो शेअर करत त्याने साखरपुडा केल्याची माहिती दिली.
सुयश आणि आयुषीचे साखरपुड्यातील फोटो सोशल मीडियावर तुफान व्हायरल झाले. पण सुयश आण आयुषीची लव्हस्टोरी फार कमी लोकांना माहिती आहे. कारण या अगोदर सुयशचे नांव हे मराठीतील सुप्रसिद्ध अभिनेत्री अक्षया देवधर हिच्याशी जोडले गेले होते. त्यांचे ब्रेकअप झाल्याच्या बातम्याही मागे सोशल मीडियावर प्रचंड व्हायरल झाल्या होत्या.
बरेच दिवस हा विषय ट्रेंडिंगला होता. पण नुकतीच सुयशने ‘टाइम्स ऑफ इंडिया’ला मुलाखत दिली. या मुलाखतीमध्ये त्याने त्याची आणि आयुषीची पहिली भेट कुठे व कशी झाली हे सांगितले. चला तर मग जाणून घेऊयात…’एका कार्यक्रमात आम्हा दोघांची पहिली भेट झाली होती. पहिल्याच भेटीत आमच्यात चांगली मैत्री झाली. हळूहळू आमच्या मैत्रीचे प्रेमात रुपांतर झाले.
तिच्या आणि माझ्या आवडीनिवडी जवळपास सारख्या आहेत. काही मोजक्याच लोकांच्या उपस्थित पुण्यातील माझ्या घरी साखपरपुड्याचा कार्यक्रम झाला’ असे सुयश म्हणाला. सुयशने आतापर्यंत कधीच त्याच्या खासगी आयुष्याविषयी सांगितले नव्हते. त्याने रिलेशनशिपमध्ये असल्याचे देखील गुप्त ठेवले होते.
या विषयी बोलताना तो म्हणाला, ‘मला आणि आयुषीला आमच्या खासगी आयुष्याविषयी कोणाला सांगायचे नव्हते. कारण याविषयी कळताच लोकांनी भूतकाळाविषयी बोलायला सुरुवात केली असती. आयुषी ही फार समजूतदार आहे. तिला गोष्टी समजवाव्या लागत नाहीत.
‘आयुषी भावे हे नाव पहिल्यांदा पुढे आलं महाराष्ट्र टाइम्स आयोजित बुद्धी आणि सौंदर्याचा कस पाहणाऱ्या मटा श्रावणक्वीन या सौंदर्य स्पर्धेतील महाअंतिम सोहोळ्यातील विजेतेपदामुळे. दिसायला अतिशय सुंदर आणि त्याचबरोबर डोळ्यात एक वेगळीच चमक घेऊन आलेली आयुषी त्यानंतर तिच्या नृत्य कौशल्यामुळे अनेक वेगवेगळ्या कार्यक्रमात आणि इव्हेंट्समध्ये दिसू लागली. त्याचबरोबर तिची पॉप्युलॅरीटीसुद्धा वाढू लागली.
हळू हळू ती एक उत्तम डान्सर म्हणून तिची ओळख वाढू लागली . त्याच वेळीस झी युवा या वाहिनीवर युवा डान्सिंग क्वीन या कार्यक्रमाची निवड प्रक्रिया सुरु झाली होती . एक सौंदर्यवती आणि नर्तिका असे दोन्ही गुण तिच्यात असल्यामुळे लगेच तिची निवड करण्यात आली. आणि तिच्या पहिल्याच परफॉर्मन्स मधून ती कोणत्याही बाबतीत कमी नाही हे तिने दाखवून दिले आहे. आयुषी भावे ही अभिनेत्री आणि लोकप्रिय डान्सर आहे.
युवा डान्सिंग क्विन या टीव्ही शोमध्ये आयुषी भावे दिसली. आयुषी भावे लवकरच एका आगामी सिनेमात दिसणार आहे. आयुषी भावेचा एक लावणीचा व्हिडीओ युट्यूबवर अपलोड करण्यात आला आहे. ‘या गावचं की त्या गावचं’ या लावणीचा व्हिडीओ अपलोड करण्यात आला आहे. आयुषी सुद्धा इन्स्टाग्रामच्या माध्यामातून आपल्या चाहत्यांच्या संपर्कात असते.
ती नेहमीच आपले फोटो आणि व्हिडीओ शेअर करत असते. सोशल मीडियावर नजर टाकल्यास विविध अंदाजातील फोटो पाहायला मिळतील.सुयश टिळक सध्या झी मराठीवरील ‘शुभमंगल ऑनलाईन’ या मालिकेत शंतनुची भूमिका साकारत आहे. रिल लाईफमध्ये सुद्धा नुकतंच सुयशचं लग्न झालं आहे. तर आता रिअल लाईफमध्ये तो लवकरच लग्नबंधनात अडकणार आहे.
